नेपाल आयल निगमद्वारा १४.२ केजीको पूर्ण सिलिन्डर ग्यास बिक्री गर्ने निर्णय

नेपाल आयल निगमले आज बुधबारदेखि लागू हुने गरी खाना पकाउने एलपी ग्यास पूर्ण क्षमता (१४.२ केजी) मा बिक्री वितरण गर्ने निर्णय गरेको छ। यसअघि बजारमा देखिएको ग्यासको अभावलाई मध्यनजर गर्दै निगमले थोरै परिमाणमा ग्यास बिक्री गर्ने व्यवस्था गरेको थियो।
निगमका अनुसार, आपूर्ति व्यवस्थामा सुधार भएसँगै अब उपभोक्ताले १४.२ केजी तौल भएको पूर्ण सिलिन्डर नै खरिद गर्न पाउनेछन्। आयल निगमले आफ्ना मातहतका डिपो तथा बिक्रेताहरूलाई सोही बमोजिम ग्यास वितरण गर्न निर्देशन दिएको छ। यस निर्णयले ग्यासको सहज उपलब्धता सुनिश्चित हुनुका साथै उपभोक्तालाई राहत मिल्ने अपेक्षा गरिएको छ।